ÑERU
EN TIERRA
(Seamus
Heaney)
Los
niales de les andarines de mar yeren cuévanos d’escuridá nel sable de la
ribera. Podía imaxinase el so brazu entrando enteru, arremangáu y pretu, pero cómo
una vez sintiera que lu respigaba la patuca d’un reitán muertu, l’ablayante
densidá del so picu, malpenes s’atrevió a escucar.
Sintió
pispiriar dientro, pero como una vez-y amosaran un ñeru de rates nuna borna de
cuchu, onde la puxarra y les fueyes podres de panoya s’entemecíen colos pescuezacos
nidios y los llombos entafarraos, malpenes s’atrevió a oyer.
De
la que taba ellí, faciendo guardia, acusbiando, esperando, pensó arrimar la
oreya a un d’aquellos furacos abandonaos y quedar ende atendiendo pal silenciu
fondu de la tierra.
Sem comentários:
Enviar um comentário