quarta-feira, 11 de setembro de 2013

los años




















LOS AÑOS

Estraña forma de vida
y más estraña de morrer,
solos, allonxaos de tolo
qu’un día quinximos,
de lo poco que foi nueso,
d’aquella tarde soleyera
y feliz de branu,
del calor de los cuerpos
agora tan fríos
como maniquís d’escaparate.
Un falagu de brisa
destemplao n’abriendo
los güeyos, la lluz del día
que manca al miralo
y darréu españa
como una bomba
de cristales piquiñinos,
firientes.
Apocayá
-cuesta creyer
que pasaran más de cuarenta
años- yera un nenu inocente,
con padres, ensin
responsabilidaes.
Nun sé lo que pasó
dende entós, de magar.
Igual pasé la puerta enquivocao
de los sueños, la que tiraba
siempre al desosiegu
de les pesadielles. Igual
simplemente ye que pasaron
-obedientes a la so llei,
ciegos a la bondá- los años.

Sem comentários:

Publicar um comentário