ye frío,
alcuando
el so pesu leve
xelóme los güeyos,
cególos
col so deu
espolvoriáu
de diamante,
povisa frío,
conozo bien
el so aliendu
de muertu
nos párpagos
trémoles,
llonxe
del agua
que pinga los praos
y les guedeyes arispies
del monte,
alluende
les resquiebres húmedes
del ríu y les zreces
nel piel del aire,
sé qué nada
rescalva la povisa frío,
que xela y manca
como diamante
espolvoriao
nes niñines
de los güeyos,
como plombo delío
nuna fería en carnes.
Sem comentários:
Enviar um comentário